07:25, 29 Шілде 2020 | GMT +6
Ақтауда 25 жастағы жігіт үш күннен бері іздестіріліп жатыр
АҚТАУ. ҚазАқпарат - Ақтауда 1995 жылы туған жігітке іздеу салынды. Ол үйден 3 күн бұрын достарымен шығып кеткеннен бері оралмаған, деп хабарлайды ҚазАқпарат тілшісі.
25 жастағы Нұрлан Тастеміров 26 шілде күні сағат кешкі сағат 18.30-дан бері хабарсыз кеткен.
Нұрлан Тастеміровтің туыстарының айтуынша, ол достарымен бірге теңіз жағасына қыдыруға кеткен. Кешкі сағат 6-дан кейін бәрі үйлеріне қайтады. Достары Нұрланды 29-шағынаудан №15 үйге апарып тастағанын жеткізген. Әрі қарай байланысқа шықпаған соң дереу полицияға жоғалғаны туралы хабарлаған.
Оның үстінде көк жейде, қою көк джинсы шалбар болған. Көрген білгендеріңіз болса, 8 (708) 296 36 78 нөмірлеріне хабарласуын сұрайды.