16:21, 17 Қазан 2016 | GMT +6
Павлодар облысында шағын автобус аударылды
ПАВЛОДАР. ҚазАқпарат - Павлодар облысы Железинка ауданында күре жолда 57 жастағы жүргізушінің басқаруындағы «Мерседес-Даймлер» шағын автобусы аударылды, деп хабарлайды ҚазАқпарат ІІД баспасөз қызметіне сілтеме жасап.
Жол апаты 14 қазанда орын алды. Апат кезінде автобус салонында 5 адам болған. Екі бойжеткен жеңіл жарақаттар алды.
Баспасөз қызметінде көліктің басқару тетігіне ие бола алмаған жүргізуші Әкімшілік құқықбұзушылық кодексінің 610-бабы бойынша жауапкершілікке тартылғанын хабарлады.