07:15, 27 Қыркүйек 2016 | GMT +6
ҚР Премьері Сингапур Парламентінің мүшесімен қаржылық қызмет көрсету саласындағы ынтымақтастықты талқылады
АСТАНА. ҚазАқпарат - 26 қыркүйек күні Үкімет үйінде ҚР Премьер-Министрі Бақытжан Сағынтаев Сингапур Парламентінің мүшесі, Құрметті аға министр Го Чок Тонгпен кездесті.
Бұл туралы primeminister.kz сайтында хабарланды.
Тараптар Қазақстан мен Сингапур арасындағы экономикалық және инвестициялық ынтымақтастықты жандандыру, өзара сауда-саттық көлемін арттыру үшін жағдайлар тудыру қажеттігін атап өтті.
Келіссөздер барысында ұлттық әл-ауқат қорлары және даму институттары бойынша жоғары технологиялар саласында әріптестік орнатудың перспективалары нақтыланды.