21:37, 26 Қыркүйек 2016 | GMT +6
Елордада Дүниежүзілік жүрек күніне орай тегін кардиологтар консультациялары ұйымдастырылады
АСТАНА. ҚазАқпарат - Елордада Дүниежүзілік жүрек күні қарсаңында, 28 қыркүйекте сағат 14.00-ден 17.00-ге дейін «Республика даңғылы, 45» мекенжайы бойынша орналасқан «Мечта» сауда үйінде «Жүректі сақтаңыз» акциясы өтеді.
Бұл туралы елорда әкімдігінің баспасөз қызметі хабарлайды.
Шара барысында астаналықтар кардиолог дәрігерден кеңес ала алады. Сондай-ақ, мамандар қанның құрамындағы холестерин мен қант деңгейін анықтайды, қан қысымын өлшейді.
Консультация беру мен диагностика жасау тегін болады.
Айта кетейік, Дүниежүзілік жүрек күні 29 қыркүйекте аталып өтіледі.