Болгария парламенті қоғамдық орындарда пәренжі киюге тыйым салды

Болгария Парламенті пәренжі мен өзге де мұсылмандардың киімін қоғамдық орындарда киюге тыйым салды.

Дауыс беру нәтижелері жөнінде Reuters агенттігі хабарлады, деп жазады rg.ru.

Осы уақыттан бастап, бұл елде көпшілік орындарда адамның бет-әлпетін толықтай немесе жартылай жабатын киімдерді киіп жүруге тыйым салынады. Наықтарық айтқанда, тыйым негізінен пәренжі, никаб сияқты киімдерге қатысты болып отыр. Аталған заң бұзылған жағдайды азаматтарға 100-ден 760 еуроға дейінгі аралықта айыппұл салынады.

Айта кетейік, тап осындай шектеу жақында ғана Францияда енгізілген болатын.