17 Қараша 2014, 03:18

Қазақстанда күйікті емдеудің жасушалық технологиясы жасалды

АСТАНА. ҚазАқпарат - Қазақстанда  күйіктің 3-4 дәрежедегі ауыр түрін және тез жазылмайтын және асқынып кеткен жараларды емдейтін инновациялық жасушалық препарат жасалды.

Бұл жасалымды қаржыландыру  үшін ҚР Білім және ғылым министрлігінен 76 млн. теңге, ҚР Инвестициялар және даму министрлігінің Ұлттық технологиялық даму агенттігінен 19 млн. теңге қаржы бөлінді.

Емдеу үшін операция жағдайында жарақатталған денедегі күйіктің үстіне суспенсияны бүрку қажет. Жарақатталған денеге түскен жасуша биологиялық белсенді заттар, гормондар және жасушалардың жас өскіндерін бөліп, организмнің өз жасушалары жетіле бастауына әсер ете бастайды.

Бүгінде препарат Республикалық шұғыл медициналық көмек орталығында және Травматология және ортопедия ғылыми-зерттеу институтында күйікке ұшыраған және созылмалы жаралары бар сырқаттарға ойдағыдай қолданылып,  байқап көру жүргізілуде.

Жасалған жасушалық препарат терінің және күйік жарақатының тез жазылуын және қалпына келуін екі есе арттырады, аурулардың бұдан әрі мүгедектікке ұшырауын төмендетеді, медициналық қызметтердің сапасын арттырып, ең бастысы, 3-4-ші дәрежедегі кең көлемде күйік алған адамдардың өмірін сақтап қалуға мүмкіндік береді.

«Фиброспрей» жасушалық препаратына инновациялық патент берілді. Бұл жасалым «Шапағат-2012» конкурсында «Жыл өнертабысы» аталымында марапатталды, 2012 жылы «Инновациялық Қазақстан» форумы ауқымында «Технологияларды коммерцияландыру реакторы» секциясында үшінші жүлделі орынға ие болды. Ал 2013 жылы аталған препарат «Инновациялық форсаж» жобасы телевизиялық конкурсында финалистер бестігіне кірді. Бұл препаратты алдағы уақытта экспортқа шығаруға да болады. 

 

 

 Басты сөздер: ҚР Үкіметі , Инновациялық жоба , Медицина , Ғылым
Қате таптыңыз ба? Белгілеп, CTRL+ENTER басыңыз

Сондай-ақ... оқыңыз

ҚР Премьер-Министрі жұмыс сапарымен Қарағанды облысына барды

АСТАНА. ҚазАқпарат -  ҚР Үкімет басшысы Кәрім Мәсімов Қарағанды облысына жұмыс сапарымен барды.

Пікір қалдыру

Аты:
Кодты енгізіңіз:*

Код тізім есебімен енгізіледі

Көп оқылғандары

Жамбыл облысында құтқарушылар суға кеткен қыздың өлі денесін тапты
ЕУРО-2016: Италия құрамасы Испанияны жеңіп, ширек финалға шықты
Америка чемпионатының финалындағы сәтсіздіктен соң Месси ұлттық құрамадан кететінін мәлім етті
Жамбыл облысының әкімі Кәрім Көкірекбаев: Киров су қоймасы бақылауда, ешқандай қауіп жоқ
Алматы облысында жер сілкінді
ЕУРО-2016: Бельгия футболшылары Венгрия қақпасына жауапсыз 4 гол салып, ширек финалға шықты - ВИДЕО

АСТАНА. ҚазАқпарат - Еуропа чемпионатының 1/8 финалдық ойындары аясында Бельгия және Венгрия құрамалары кездесті. Санаулы сәттер бұрын аяқталған ойында бельгиялықтар 4:0 есебімен басым түсті. Матч «Қазақстан» телеарнасынан тікелей эфирде көрсетілді.

Пікір білдірілген мақалалар